BUTUAN CITY – Halos mao pa lamay pag sugod sa ikaduhang semana sa Septembre, di’ na halos ikasag-o ang tanang panhitabo sa natad sa Politika sa Pilipinas — ma-lokal man o nasyonal nga lebel.
Arun mapasayon, ani-a ang recap sa mga pang hiabo karong adlawa.
Nag-viral nga road concreting project sa Brgy Dankias, Butuan City, trabaho matud pa sa DPWH-Caraga
Gipanghimakak ni Engr Jose Caesar sa Butuan City District Engineering Office nga ilang proyekto ang gipagawas sa Philippine Anti-Corruption Czar (zar) kon PACC nga mao ang nahugmak nga Dankias–Danapa road concreting project gikan sa Purok 3 ngadto sa Purok 7, Barangay Dankias, ning siyudad sa Butuan, usa ka buwan lang human kini nakompleto.
Sa eksklusibong pakighinabi sa Bombo Radyo Butuan, gipadayag sa opisyal nga ang gi-post nga mga detalye sa PACC, ilang proyekto apan dili mao ang mga hulagway niini sama sa nakankan ug nangabu-ak nga sementadong dalan. Gipasabot niining sayop technically ang maong post tungod kay dili sila ang nagpatuman sa nahugnong proyekto kondili ang Department of Public Works and Highways kon DPWH-Caraga.
Senador Jinggoy Estrada ug Joel Villanueva, gibulabog nga nakabenepisyo sa flood control projects sa Bulacan
Usa ka kusog nga bomba ang gibuhian ni Engr. Brice Ericson Hernandez, kanhi assistant district engineer sa Department of Public Works and Highways kon DPWH- Bulacan, atol sa pagdungog sa House Infrastructure Committee ning adlawa.
Sa iyang handwritten affidavit, gidamay niya sila Senador Jinggoy Estrada ug Senador Joel Villanueva sa gina-ingong anomaliya sa mga flood control projects sa Bulacan. ALANG SA KOMPLETONG DETALYE, TUPLOKA KINI.
SI ENGR ALCANTARA, SEN ESTRADA, UG SEN VILLANUEVA
Sa House hearing, gipaambit ni Engr Jaypee Mendoza ang mga text messages bila ni Engr Henry Alcantara, Sen Jinggoy Estrada ug Sen Joel Villanueva mahitungod matud pa sa mga flood-control projects. ALANG SA MGA LITRATO SA MAONG BIUNAYLOAY OG MENSAHE, TUPOLOKA DERE.
Miyembro sa minority bloc sa Senado, kompleto na; Cayetano, mamahimong minority leader
Human nakompleto anbg majority bloc sa Senado, kansa pangulohan ni Senadora Imee Marcos, nakompleto na usab ang Minority Bloc kansa mamahimo niining lider si Senador Alan Peter Cayetano. Lakip sa maong mga senador sila: Kanhi Senate President Chiz Escudero, Kanhi Majority Leader Joel Villanueva, Senador Alan Peter Cayetano, Bong Go, Rodante Marcoleta, Imee Marcos, Robin Padilla, Jinggoy Estrada, ug Bato dela Rosa.
Brice Hernandez, idetine sa PNP Custodial Center – Sotto
Gikumperma ni Senate President Vicente Sotto III nga ibutang una si kanhi Bulacan 1st district assistant engineer Brice Hernandez sa PNP Custodial Center alang sa kaluwasan niini. Kini matud pa ang ilahang nasabutan ni House Speaker Martin Romualdez, diin ang Office of the Senate Sergeant-at-Arms (OSSA) matud pa maoy magbantay kang niini.
Ang maong lakang nag-ugat human gibulgar ni Hernandez nga lakip sila Sen. Villanueva ug Estrada sa mga nakabinipisyo sa flood control projects.
Brice Hernandez, pasakaa’g kaso ni Estrada;Villanueva wa mahadlok sa ‘demolition job’
Pakasuhan ni Senador Jinggoy Estrada si kanhi Bulacan 1st District Assistant Engineer Brice Hernandez human kini gidamay atul sa House hearing kansa gikatahong duna matud pa siyay kalambigitan sa flood control projects. Gibutyag ni Hernandez nga P355 milyones ang gigahin sa senador karong tuiga alang sa daghang proyekto sa probinsya sa Bulacan, butang nga gihimakak ni Estrada.
Samtang, mitingog na usab si Senador Joel Villanueva human siya gilambigit ni Hernandez sa hearing sa Kamara sa giingong kurapsyon sa mga flood control projects. Gitataw ni Villanueva nga wala siya mahadlok sa maong matang nga demolisyon ug andam siya nga pasipalahan, insultohon o sawayon kung kini matud pa ang paagi nga maluwas ang katawhan sa nagbalikbalik pagbaha sa nasud.
