BUTUAN CITY – Gidayeg ni Presidential Communications Operations Office (PCOO)-Secretary Martin Andanar ang mga tawong nagpaluyo sa malampusong hosting sa Pilipinas sa 30th Southeast Asian Games.
Sa eksklusibong pakighinabi sa Bombo Radyo Butuan, gipadayag sa opisyal nga tungod sa malampusong paggunit sa nasud sa 30th SEA Games ubanan pa sa mga world class facilities sama sa New Clark City sa Tarlac, daghan na nga mga international activities ang siguradong ipahigayon sa nasud sa umaabot nga mga tuig.
Kamatu-uran niini, nagdesisyon na ang World Swimming Organization kon WSO nga dinhi sa Pilipinas ipahigayon ang World Swimming Competition sa tuig 2022 gawas pa sa uban pang mga international events.
Dugang sa opisyal ang maong pag-host naghatag og oportuninad aron ma-showcase sa Pilipinas ngadto sa international stage kung unsa ang anaa sa nasud sanglit dili lang lokal media ang nag-cover niini kundili lakip na ang mga international media intities.
Alayon niini gipadayag usab sa opisyal nga kuhaon niini ang tanang mga Caraganons nga nakasamit og mga medalya 30th SEA Games aron irekomenda nga mahatagan og saktong pag-ila.
