BUTUAN CITY – Gimanduan na usab ni acting Philippine National Police (PNP) chief PLt Gen. Jose Melencio Nartatez Jr. sig Police Regional Office (PRO) 13 Director PBGen. Marcial Mariano Magistrado IV sa pagpangita kang gaming tycoon Charlie “Atong” Ang.
Kini human nga wala gihapon siya makit-i, pila ka adlaw na sukad gipagawas ang arrest warrant batok kaniya may kalabotan sa mga nawalang sabungero.
Ang maong kamanduan, gihatag ni General Nartatez atol sa iyang command visit sa Camp Rafael Rodriguez dinhi sa dakbayan sa Butuan ilabina kay iyang nahibaloan nga daghan og mga mahiligon sa sabong sa rehiyon.
Dugang pa sa opisyal, mas maayo nga susihon kung adunay propiedad o farm dinhi sa Caraga Region si Ang, nga adunay patong sa ulo nga kantidad nga napulo ka milyong piso.
