BUTUAN CITY- Usa ka dili kasagarang insidente ang narekord sa CCTV human giingong nahadlok ang usa ka “White Lady” sa usa ka iro nga kalit lang miambak paingon niini.
Ang maong panghitabo nakuha sa CCTV footage nga karon mikatag na sa social media ug nakadani og kaimuot ug katingala sa mga netizen. Sa video, makita ang hulagway sa usa ka babayeng nakaputi nga kalit lang mihunong ug miatras human giduol sa mga iro. Tungod sa maong reaksyon, daghang netizen ang nangutana kon tinuod ba gyud nga “White Lady” ang nakita o usa lamang kini ka ordinaryong tawo nga nagpaka-aron ingno lang aron manghadlok.
Hangtod karon, wala pay opisyal nga pahayag kon kinsa o unsa gyud ang babaye sa video. Ang pangutana sa kadaghanan: nakabalik na ba kaha ang White Lady sa iyang kalibutan, o nagpabilin pa kini sa kalibutan sa mga tawo—ug tingali nagpa-anti-rabies human gi-paak sa mga iro.
