BUTUAN CITY – Anaa na sa stable nga kahimtang ang panglawas sa Self-proclaimed “Son of God” nga si Apollo Quiboloy human kini gidala sa balay-tambalanan kagahapong adlawa human kini naglisod pag ginhawa, kini subway na sa kompermasyon sa Bureau of Jail Management and Penology (BJMP).
Sigon ni BJMP spokesperson Jayrex Businera, gidala matud pa sa hospital si Quiboloy niadtung Septembre 11 human kini naglisod sa pagginhawa. Gidiagnosed usab kini og Community Acquired Pneumonia nga anaa lamang sa Moderate Risk.
Dugang sa tigpamaba nga subay sa polisiya sa BJMP para sa medical care sa mga Person deprived of Liberty kon PDL, anaa karon si Quiboloy nagpaalim sa pampublikong ospital. Una nang gitugutan sa Pasig City Regional Trial Court Branch 156 ang pagka-hospital sa nasangpit nga binilanggo niadtung Septembre 15.
Lakip sa mga kasong giatubang ni Quiboloy sa Estadus Unidos isip usa sa most wanted sa Federal Bureau of Investigation ang sexual abuse and coerion, ingon man human trafficking.
Sa Pilipinas, giatubang usab niini ang mga kasong may kalambigitan sa sexual exploitation sa gatusang mga babaye, giatubang usab niini ang contempt charges sa House of Representatives ingon man sa Senado human wala kini nagpatim-aw atul sa gikatakda untana niining hearing.
