BUTUAN CITY- Giklaro sa abogado ug tigpamaba ni Leyte Representative Martin Romualdez nga wala pay napasakang kaso batok sa magbabalaod kalabot sa mga taho nga adunay reklamo batok niini.
Sa usa ka statement, sigon ni Atty. Ade Fajardo nga ang minggawas nga balita nagtumbok lang matud pa sa pagpag-anadam og usa ka reklamo ug dili pa kini pormal nga gipasaka sa Office of the Ombudsman.
Sumala ni Fajardo, sa kasamtangan wala pay natino nga “probable cause” ug wala pay bisan unsang desisyon o tulobagon nga gipahamtang batok kang kanhi Speaker Romualdez.
Pag-insistar ni Atty. Fajardo nga girespitp nila ang proseso sa Ombudsman ug andam silang makigkoordinar ugaling aduna nay pormal nga imbestigasyon. Dugang pa niini, nga malaomon silang sundon ang lagda nga gipatuman niadtong ang Ombudsman Secretary pa sa Department of Justice (DOJ) kung asa kinahanglan lang ipadayon ang mga kaso nga adunay “reasonable certainty of conviction.”
Gipasiugda usab sa kampo ni Romualdez nga wala pay ebidensyang nagalmbihit sa magbabalaod sa daw ghost ug substandard nga mga proyekto kalabot sa flood control.
Gani, mipadayag usab og kumpiyansa ang kampo ni Romualdez nga maresolba ang isyu base sa ebidensiya ug husto nga proseso sa balaod, ug dili sa pulitika o hungi-hong.
