BUTUAN CITY – Pormal nang nanumpa isip mayor sa Davao City si Sebastian “Baste” Duterte kaganina isip permanenteng hulip sa iyang amahan nga si kanhi Pangulong Rodrigo Duterte, nga karon natanggong sa detention facility sa International Criminal Court (ICC) sa The Hague, Netherlands.
Mahinumduman nga napili isip besi mayor si Baste niadtong 2025 midterm elections, kuyog sa iyang amahan isip alkalde ug sa iyang pag-umangkon nga si Rodrigo Duterte II, nga nakakuha sa pinakataas nga boto isip konsehal sa siyudad.
Niadtong Hunyo 30, 2025, wala maka-assume isip mayor ang kanhi pangulo tungod sa iyang padayong pagkabilanggo sa The Hague samtang naghulat sa pagtaral sa mga kasong crimes against humanity nga gipasangil kaniya sa international tribunal rason nga temporaryong gihulip sa iyang pwesto si Baste.
Tungod sa pagkabakante ang posisyon ni Baste, mipuli kaniya ang iyang pag-umangkon nga si Rodrigo Duterte II, nga kauban niyang nanumpa karong adlawa isip besi mayor kondiin ang ilang pagpanumpa, gipangunahan ni Regional Trial Court XI Deputy Executive Judge Marie Estrellita S. Tolentino-Rojas.
