BUTUAN CITY – Gipadayag ni Vice President Sara Duterte nga ang impeachment complaint nga gi-endorso sa Akbayan batuk kaniya wala’y ebidensya ug parte lang sa pamulitika batuk kaniya.
Sa iyang gipagawas nga video message, gipadayag niining dili na kini bag-o tungod kay nagsugod kini human siya mibiya isipkalilhim sa Department of Education kon DepEd.
Gitumbok pa ni VP Sara ang mga imbestigasyon sa Kamara nga daw phishing expedition aron i-andam i-andam ang impeachment case batuk kaniya ug ang isyu sa Mary Grace Piattos kansa napakyas pagpamatuod nga nakalapas kini sa paggamit sa confidential funds.
Gihimo matud pa kini sa administrasyon tungod kay dili na mapasabot ni Pangulong Bongbong Marcos ngadto sa katawhang Filipino ang padayong pagkahugno sa nasud nga miresulta sa kalisod sa katawhan tungod sa iyang pagpasagad ug sa iyang bisyo.
Gibulgar usab ni VP Sara ang bibaligya-anay matud pa og pirma ug gisaad nga mga proyekto bugti sa suporta sa impeachment batuk kaniya, mga alegasyon nga gi-angkon na matud pa sa pipila ka mga magbabalaud.
Gikwestyon usab niini ang kredibilidad sa Akbayan tungod kay klarong duna kini political interest ilabina nga mi-angkon na ang lider niini sa ilang ambisyon sa pulitika kansa usa ka harassment ug pag-abuso sa proseso sa impeachment.
Sa katapusan nanawagan siya nga dili gamitong hinagiban ang impeachment tungod kay ang klarong pildi sa ingon niini nga abuso mao ang katawhang Filipino.
