BUTUAN CITY – Giawhag ni Bise Presidnete Sara Duterte ang mga Pilipino nga mo “move forward” nalang human niini gituohang dili na maka balik sa Pilipinas ang iyahang amahan nga si kanhi Presidente Rodrigo Duterte human kini gidala sa The Hague, Netherlands.
Kini ang tubag sa Bise Preesidente human siya gipangutana kung unsa ang gibati niini kang National Security Adviser Eduardo Año, ilabi na mahitungod sa dali nga pagkasikop sa iyahang amahan gikan sa Hong Kong.
Taliwala sa nakita sa Bise Presidente nga daw wala naningkamot ang pangamhanan nga madala sa Pilipinas og balik ang iyahang amahan, padayon gihapon matud pa nga nangita og pamaagi ang ilahang kampo arun makauli ang kanhi Presidnete.
Sumala niini nga gikataho matud pa sa iyahang amahan nga gusto gihapon niining makaserbisyo isip Mayor sa Davao.
Gitubag usab sa bise Presidente ang pangutana kaniya kung nagtoo ba kining dunay traydor sa mga kauban sa nila sa iyahang amahan sa Hong Kong. Sigon sa Vice Presidnet nga nagtoo matud pa siyang duna gayuy indibidwal nga nagasumbong sa ilahang mga gina-istoryahan sa sulod, apan wala matud pa siya masayod og kinsa og kung asa niini ginasumbong iyahang nadonggan.
Kahinumdumang gipanghimakak nang daan ni Secretary Año ang mga taho nga duna siyay kalabutan sa pagkasikop sa kanhi Presidente, diin sumala niini nga bugtong papel lamang niya sa maong pagkasikop ang pagsigurong dili mamamahimong National Security concern ang nasangpit nga panghitabo.
Una na usab nga giangkon ni Senator Ronald “Bato” Dela Rosa nga naglain ang boot niini ngadto kang Año ilabi na nga nagtrabaho matud pa kini ilalum sa administrasyon ni Duterte kaniadto.
