BUTUAN CITY – Nagduso na usab og lahi nga petition for certiorari and prohibition sa Supreme Court si Vice President Sara Duterte kalabot sa impeachment case nga gipapasar sa Kamara batuk kaniya pinaagi sa Fortun Narvasa and Salazar law offices kansa nadawat na sa Korte Suprema apan wala na kini ma-apas pa sa ilang en banc session kagahapon.
Gawas pa kini sa petisyon sa upat ka mga Mindanaoan lawyers aron babagan ang impeachment proceedings batuk kang VP Sara.
Madumdumang gihangyo nila Atty. Israelito Torreon, Atty. Martin Delgra, Atty. James Reserva, Atty. Hillary Olga Reserva, at Atty. Luna Acosta nga magpagawas ang Korte Suprema og Temporary Restraining Order (TRO) ug Injunction aron ipawala’y bili ang impeachment complaint. Apil usab sa mga nagpetisyon ang vice mayor sa Davao City, ug pipila sa ilang mga city council members ug mga iladong political vloggers nga sila Darwin Salcedo, Lord Byron Cristobal, ug Lord Oliver Raymund Cristobal.
Gibutyag nilang depektuso ug dili angayang dunggon sa Senado ang impeachment complaint nga gipapasar sa Kamara tungod kay kwestyunable matud pa ang verification process sa impeachment complaint.
Pamugos sa mga petitioners, wala tun-i og maayo sa mga mipirma sa reklamo ang niini ug kalit lang gi-apil sa isyu sa impeachment apan depensa ng Kamara, moot and academic na kini tungod kay anaa naman kini sa Senado ug dili na korte ang duna’y hurisdiksyon niini.
