BUTUAN CITY – Gipanawagan karon sa mga ginikanan si Vice President ug Education Secretary Sara Duterte-Carpio nga ipatuman na sa Hunyo sunod tuig 2025 ug dili sa tuig 2026 ang pag-shift og balik sa school year gikan sa kasamtangang Hulyo hangtud sa Mayo ngadto na sa Hunyo hangtud Marso aron malikayan ang pagka-expose sa mga bata ngadto sa grabe ka-init sa adlaw.
Sa eksklusibong pakighinabi ning sibyahan, gibutyag ni Sonny Matula, presidente sa Federation of Free Workers nga kini ang nakab-ot nga desisyon sa mga education stakeholders sa nagpadayon nilang gihimong conference sa Cagaynde Oro City. Gibutyag sa opisyal nga dili lang ang kaayuhan sa panglawas sa mga estudyante ang angayang lantawon kondili apil na ang teaching ug non-teaching staff sa ingon niini nga panahon.
Kini gawas pa sa ingon niini nga panahon sa ting-init, dungan nga magbakasyon ang mga estudyante ug mga magtutudlo uban sa ilang pamilya. Pinaagi matud pa sa pagbalik na sa original nga school opening, masiguro na ang face-to-face learning kansa mas epektibo kung ikumpara sa asynchronous classes o distance learning gamit ang modules o kaha internet. (REPORTS FROM: Bombo Lilibeth Ruiz)
