BUTUAN CITY – Nagtuo si Vice President Sara Duterte nga target matud pa sa House of Representatives (HOR) nga i-impeach siya subay na usab sa nadungog niini nga privilege speech ni Manila Rep. Rolando Valeriano, kansa gihimo sa maong Kongresista niadtung Septembre 13 ning kasamtangang tuig.
Kahinumduman nga gigisa ni Rep. Valeriano si Duterte atul sa privilege speech niini tungod matud pa sa pag likay sa Bise Presidente sa pagdepensa sa proposed budget sa buhatan niini para sa 2025. Sumala ni VP Sara nga ang kasamtangang gihimo nga pagdungog sa House Committee on Good Government and Public Accountability, kansa makutay sa privilege speech ni Valeriano, kay usa lamang matud pa sa mga lakang arun siya ma-impeach.
Dugang niini nga mismong si ACT Teachers Partylist Rep. France Castro na ang nagsulti nga posible siyang ma impeach tungod sa mga kwestiyunableng paggasto sa Office of the Vice President ingon man sa Department of Education sa pondo sa maong buhatan. Kahiinumduman nga nahimong init karon ang hisgutanan sa mahitungod sa sayop nga paggasto sa Bise Presidente sa confidential funds niini sa Office of the Vice President niadtung 2023.
Giklaro usab sa Bise Presidente kagahapong adlawa atul sa pagdungog nga dili target sa komitiba ang hisgutanang misuse of funds, accountability o governance, kundili arun lamang matud pa dauton ang imahe sa OVP arun mapugngan ang unsa mang umalabot nga Political Contest.
Alayon niini, tungod matud pa sa ka-walay igong basehan sa nasangpit nga pagdungod, gipahunong nalang kini ni Vice President Sara. Apan sumala ni Rep. Chua kansa maoy chairman sa Komite nga dili na nila mapahunong ang pagdungog tungod kay ilaha nang gi aksyunan ang pamahayag ni Rep. Valeriano.
Ang pamahayag ni Vice Presidente Sara Duterte.
