BUTUAN CITY – Nanawagan si Vice President Sara Duterte nga suportahan ang kampanya sa Department of Health kon DOH batuk sa makamtay nga sakit nga dengue kansa dala sa mga lamok nga aedes aegypti.
Kini subay na usab sa pag-obserba ning tibuok buwan sa Hunyo sa Dengue Awareness Month. Sa iyang gipagawas nga video, gipadayag ni VP Sara nga importanteng suportahan ang maong kampanya aron makontrola ang pagdaghan ug pagkaylap sa mga lamok nga duna’y dalang dengue.
Kinahanglan matud pang siguruhon nga ang sudlanan sa mga tubig, duna’y taklob aron dili mahimong itluganan sa mga lamok.
Nanawagan usab siya nga proteksyunan ang tanan batuk sa maong sakit pinaagi sa pagsuot og long sleeves ug pantalon, ilabina sa kaadlawon ug sa kilom-kilom, ingon man paggamit og insect repellent.
