BUTUAN CITY – Igo na lang sa pagpakita sa iyang taas nga pasensya ang usa ka vendor sa may Old Catholic Cemetery sa may JC Aguino Avenue ning siyudad sa Butuan, human siya na-budol dihang misayo pagpamaligya aron unta sayong mukita og kwarta.
Sa eksklusibong pakighinabi sa Bombo Radyo Butuan, gipadayag ni Inday Dy nga alas-4:00 pa lang kaganinang kaadlawon, nagplastar na siya sa iyang mga baligya.
Pasado alas-5:00 matud pa sa sayong buntag, dihang duna’y lalaki nga mipalit kaniya og usa ka putos nga biskwit balor ₱100 nga mihatag kaniya og ₱1,000.00 nga kwartang papel rason nga iya kining gisuklian og ₱900.00
Apan daling gibalik kaniya ang biskwit kay wala matud pa kini palaman dayong balik kaniya sa sukli samtang iya usab nga gibalik ang kwarta niini nga ₱1,000.00.
Dihang duna na’y mipalit nga laing kostumer ug suklian na unta niya ang kwarta niining ₱500.00 dinhi na niya nasuta nga ₱300.00 ra ang gi-uli kaniyang kwarta ug adiser pa niya nasayran nga nabudol siya kondiin wala na niya igkita pa ang nangilad kaniya.
