BUTUAN CITY – Gidauban ang sakyanan sa usa ka local media outlet kaganinang alas 2:00 ang takna sa kadlawon sa may Sagay, Camiguin.
Gipanag-iyahan ang maong van ni Manuel Jaudian, kanhi Presidente sa Cagayan de Oro Press Club.
Sa kasamtangan, nagpadayon pa ang imbestigasyon sa otoridad para mailhan ug madakpan ang responsabli sa maong krimen.
Klarong mabasa sa maong sakyanan ang nakasulat nga “Media” sa atubangan ug kilid niini.
Kahibaloang host ang tag-iya sa maong van nga si Jaudian sa programang “Kalandrakas” kansa ngahisgot sa dynastiya ingon man vote-buying sa Camiguin.
Subay niini, gikundina usab sa National Union of Journalists of the Philippines (NUJP) ang maong insidente, diin sumala pa nga hulga ang maong kahimuan sa kinabuhi ni Jaudian.
Gitawag usab sa Cagayan de Oro Press Club (COPC) ang maong krimen isip tinalawan, diin gisubli niini sa publiko nga gihalad na sa mga tigmantala ang ilahang kinabuhi sa paghatag og tukmang impormasyon sa publiko.
Sa kasamtangan, nagbutang na ang mga otoridad og security measures sa panimalay ni Jaudian ug kamulo na usab ang mga kapulisan og imbistigar sa nasangpit nga panghitabo.
