BUTUAN CITY – Duna na’y natalang patay ang Department of Health (DOH) tungod sa pabuto, karong upat ka adlaw na lang adiser ang pagsugat sa New Year 2025.
Sigon ni Department of Health (DOH) spokesperson ASec. Albert Domingo, usa ka 78-anyos nga lolo ang namatay , pila ka adlaw human nabuthan sa gidagkutan niyang Judas belt tungod sa na-angkon niyang multiple injuries. Gidala pa siya sa ospital niadtong Disyembre 22 apan namatay kagahapon, Disyembre 27 apan giklaro sa DOH, nga duna’y pa’y ubang mga sakit nga gihambin ang biktima.
Apil ang maong namatay sa inisyal nga 125 ka kaso sa firecracker-related injuries nga natala nila gikan sa 62 ka mga sentinel sites nga gibantayan sa DOH sukad niadtong Disyembre 22 hangtud kaganinang alas-6 sa buntag. Sa maong ihap, 24 ang natala karon lang adlawa
