BUTUAN CITY- Mipadayag ang usa ka lalaki nga naggamit sa alyas nga “Bob” nga “open” siya sa ideya sa pagpaambit sa iyang uyab ngadto sa uban isip kabahin sa ilang gitawag nga open relationship, usa ka matang sa consensual non-monogamy nga nagkinahanglan og tin-aw nga kasabotan ug pagtugot sa duha ka partido.
Sumala ni Bob, tulo na ka tuig silang nag-uyab ug usa ka tuig pa lang sukad nagsugod sila sa open setup human nila hisguti ang posibilidad sa bag-ong kasinatian nga makapalig-on sa relasyon.
Gipunting niya nga ang maayong komunikasyon ug pagsinabtanay mao ang yawe aron malikayan ang selos, ug nagbutang sila og klarong limitasyon nga dili mahulog ang pagbati sa uban, bisan paman nga makigrelasyon sila sa lain samtang nagpadayon usab ang ilang relasyon “in short: Third Party with license”. Giila niini nga adunay bentaha sama sa pagpalapad sa social circle ug bag-ong kasinatian, apan adunay disbentaha sama sa posibilidad sa selos nga kinahanglan masulbad pinaagi sa pagsalig ug respeto.
Sumala sa mga eksperto, dili angay para sa tanan ang open relationship ug nagkinahanglan kini og lig-on nga pundasyon sa pagsabot ug pagtugot sa magkapareha.
