BUTUAN CITY – Gihimo sa mga opisyal sa Estados Unidos ug Iran, ang negosasyon sa Geneva, Switzerland pinaagi sa mediator nga si Oman Foreign Minister Badr Albusaidi samtang nagpadayon ang Amerika sa pinakadako nila nga military build-up sa Middle East sukad sa 2003 Iraq invasion.
Gihimo ang negosasyo human nagbahad si US President Donald Trump nga mosugod og strike batok sa Iran kung walay nuclear deal nga makab-ot ilabina nga mibalibad ang Iran sa demand sa US nga hunongon ang uranium enrichment, apan adunay indikasyon nga andam sila sa pipila ka concessions.
Gisugdan pag-usab ang negosasyon human sa usa ka 3-oras nga sesyon sa buntag, ug nagpadayon sa gabii.
Naglaum ang mediator nga si Albusaidi nga aduna’y natigayong pagbinayluay sa mga creative ug positive ideas ingon man, mas daghan pa og progreso.
Pagklaro sa US nga bisan pa nga gibutyag ni Trump nga mas gusto niya ang diplomasiya, posibleng duna’y himuong limited strike aron mapugos ang Iran pagsunod sa ilang demand.
