BUTUAN CITY- Temporaryong gi-hawa sa U.S. ang pipila ka sanctions niini alang sa produktong petrolyo sa Iran aron makatabang sa suplay sa energy markets taliwala sa nagpadayon nga kagubot sa Middle East.
Sumala ni U.S. Treasury Secretary Scott Bessent, nga gitugotan ang limitadong pagbaligya sa lana sa Iran kansa kasamtangang nakapundo sa mga barko niini sa rehiyon.
Ang maong pagtugot temporaryo lamang ug molungtad lang kini hangtud Abril 19, 2026.
Tumong usab niini nga madugangan ang suplay sa lana sa kalibutan, kung asa gibana-banang mo-abot sa 140 milyon ka bariles ang posibleng mabaligya.
Sa kasamtangan taas ang presyo sa lana, kung asa ang Brent crude anaa sa labing-minus $112 matag bariles.
Bisan paman, adunay mga expertong mingbutyag nga posibleng limitado lang ang epekto sa pag-ubo sa presyo.
Adunay kabalaka usab nga ang kita-on gikan sa pagbaligya og lana mapadulong sa gobyerno sa Iran ug magamit lang usab matud pa ang ilang operasyon alang sa kagubot.
Adiser ang panagbangi, nag-unang mingpalit sa maong lana gikan sa Iran ang China, apan gilaoman sa Estados Unidos nga sa bag-ong polisiya mapadulong ang suplay sa uban pang mga nasud sama sa India, Japan, ug Malaysia.
Taliwala sa maong desisyon sa Amerika padayon gihapon nga na-apektuhan ang pangkalibitanong suplay sa lana tungod sa kagubot sa Strait of Hormuz, usa ka importanteng ruta kung asa mangagi ang dagkong parte sa oil supply sa kalibutan.
