BUTUAN CITY – Dismayado si United States President Donald Trump kang Russian President Vladimir Putin tungod sa dili maong mga lakang nga gihimo niini samtang gihingusgan nila ang ceasefire tali sa Ukraine.
Sa usa ka radio interview, gipangutana ang presidente sa US kung misalig ba siya sa lider sa Russia, kondiin gitubag niya kini nga halos wala na siya’y gisaligan dayong butyag nga wala pa siya nahuman.
Gipadayah kini ni Trump pipila ka oras human niya gipahibalo ang iyang plano nga magpadala og mga armas sa Ukraine ug nagbahad nga magpatuman og grabe nga taripa batok sa Russia kung walay kasabutan sa ceasefire sulod sa 50 ka mga adlaw.
Sa usa ka tigom sa Oval Office, iyang gi-endorso ang NATO nga kaniadto iyang gilarawan nga “obsolete” kon wala na’y gamit—ug iyang gipalig-on ang suporta sa prinsipyo sa kolektibong depensa sa maong organisasyon.
Human sa ilang miting ni NATO Secretary General Mark Rutte sa White House, wala na gitago si Trump ang iyang kasagmuyo kang Putin tungod kay upat ka higayon niyang gibati nga posibleng makab-ot na ang usa ka kasabutan aron tapuson ang gubat sa Ukraine.
Apan dihang duol na ang kasabutan, kalit lang batud pang gun-ubon sa Russia ang dakbalay sa Kyiv City sa Ukraine nga maoy iyang gikadismaya og maayo.
