BUTUAN CITY – Dili mo ubos sa 100 ka mga immigrante ang giaresto sa mga otoridad sa Estados Unidos human sa gihimong operasyon sa ilegal nightclub sa Colorado Springs, Colorado.
Sumala sa ning kuyanap nga video online gikan sa post sa Drug Enforcement Administration, makita ang dose-dosenang mga tawo nga nangikyas sa gusali sa dakbalay pinaagi sa entrance door niini ingon man sa mga bintana.
Human niini, makita usab ang dose-dosenang mga indibidwal nga naposasan.
Una nang gimando ni US President Donald Trump ang pagpatuman sa mga polisiya sa immigration partikular na ang pagdakop sa mga illegal immigrants sa ilahang nasod.
Sa kasamtangan, anaa na sa kustodiya sa U.S. Immigration and Customs Enforcement ang maong mga imigrante.
Sayrang naghimo una og intelligence gathering ang mga otoridad adiser ang nasangpit nga operasyon human sa balita mahitungod sa drug trafficking, prostitusyon ug mga nagkalain-laing krimen.
