(Update)BUTUAN CITY -Gikonsiderang isolated resort ang gilub-luban ni Kapa community ministry international Founder Joel Apolinario sa may Brgy Handayaman, Lingig, Surigao del Sur.
Kaganinang alas 7:30 sa buntag sa dihang gi-serve ang 2 ka warrant batuk kang Apolinario nga miresulta sa engkuwentro human misukol ang iyang mga sakop. Human ang binayloay og bala, napatay ang usa ka lalaking wala pa mailhan samtang usa usab ang na-igo pa sa wala nga tiil og gidala na sa Bislig city hospital nga nailang si Melecio Siano.
Nadakpan usab sa operasyon si Apolinario og laing 23 pa ka indibidwal samtang nakumpiska ang 30 ka units sa M16 rifle, 2 units sa M4, 1 garand rifle, 3 ka 60 caliber machinegun, 1 Cal 50 sniper rifle, 3 Cal 22 rifle, 1 carbine, 1 shotgun, 2 RPG rifle, 5 cal 45 pistol, 2 rocket propelled grenade og daghang mga buhing bala sa nagkalain-laing armas.
Nasayran nga gihimo ang operasyon sa RSOG, SDS, SAF, RPSB, 1st PMFC, R2, Lingig MPS ug Coastguard bitbit ang warrant of arrest nga gi-isyu ni Hon Judge Gil Bollzos, presiding judge sa RTC Branch 21, CDO tungod sa kremin nga Sydicated Estafa diin walay piyansang girekomenda og ang Search warrant nga gi-isyu ni Hon Judge Cayalina Shineta M Tare-Palacio sa paglapas sa RA 9516 ug RA 10591.
Sa eksklusibong pakighinabi ning sibyahan kang Surigao Del Sur Governor Ike Pimentel giklaro niining wala sila masayud nga anaa sa ilang lugar nagtago si Joel Apolinarion diin gipahibalo nalang sila sa dihang kumulo na ang operasyon.
