BUTUAN CITY – Botaran sa United Nations Security Council ning mga orasa sa duha ka draft resolutions kabahin sa gubat sa Iran ug sa epekto niini sa tibuok rehiyon.
Ang unang resolusyon nga giduso sa mga nasod sa Gulpo, nagkondena sa mga pag-atake sa Iran batok kanila ug sa Jordan samtang ang Russia, nga kaalyado sa Iran sa konseho, nagpresentar usab og lain nga draft resolution.
Bisan wala gihisgoti ang Iran, Israel, o ang United States, ang teksto nagkondena sa tanang pag-atake batok sa mga sibilyan ug nag-awhag sa tanang panig nga hunongon ang gubat ug mobalik sa negosasyon.
Ang draft resolution adunay labaw sa 90 ka sponsors, lakip ang United Kingdom. Nangayo kini og dali nga paghunong sa tanang pag-atake ug hulga sa Iran batok sa unom ka nasod sa Gulf ug sa Jordan, apil na pinaagi sa mga ka-alyadong grupo.
Gikondena usab niini ang bisan unsang lihok sa Iran nga mahimong mosira o makabalda sa internasyonal nga paglayag sa Strait of Hormuz, nga usa ka importante kaayo nga ruta sa kalibutanong transportasyon sa langis.
Kini ang unang aksyon nga hisgutan sa konseho sukad naglusad sila og emergency meeting human nagsugod ang gubat.
Sigon ni UN Secretary General António Guterres, ang airstrikes sa Israel ug US batok sa Iran, ug ang balos nga pag-atake sa Iran sa ubang nasod sa rehiyon, supak sa UN Charter.
