BUTUAN CITY- Nahimong hapsay ang dagan sa unang adlaw sa National Campaign alang sa 2022 election sa Caraga Region.
Sumala pa kang Pol. Major Dorothy Tumulak ang tigpamaba sa Police Regional office 13 sa eksklusibong pakighinabi sa Bombo Radyo Butuan nga wala pa’y natalang mga untoward incident.
Dugang pa nga wala pa usab makaabot ang mga national candidate ning rehiyon busa nahimong normal pa ang sitwasyon sa syudad.
Andam na usab ang mga kapulisan ning rehiyon sa padayong pagmontar og mga checkpoints sa kadalanan ug pag-implementar sa nagpadayong election gun ban.
Gipakusog usab sa mga otoridad ang pag-monitor sa seguriad sa operasyon, police visibility, pagpagawas og memorandum aron mahimong neutral ug wala’y gidapigan nga national campaigining ang ilang han-ay.
Nanawagan usab kini ngadto sa tanang mga kandidato sa 2022 national ug local elections nga hugot lamang nga mosubay sa guidelines sa pagpangampanya sama na lang sa pagsunod sa minimum health protocols batok COVID-19 ug ang koordinasyo kanunay sa publiko ug mga taga-suporta aron matuman ang hapsay nga election campaign period.
