BUTUAN CITY –Ngmalampuson ang unang adlaw sa Bagong Pilipinas Serbisyo Fair kagahapong adlawa nga gipahigayon sa Caraga State University kon CSU-Ampayon ning dakbayan sa Butuan.
Sumala pa ni Butuan City Police Office Information Officer Police Captain Anne Cubio nga gihatag sa kapulisan sa Butuan ang siento porsiento nila nga serbisyo alang sa pagbantay sa libuan ka mga bisita ning dakbayan, ilabi na niadtung mga binipisyaryo sa Bagong Pilipinas Serbisyo Fair. Sigon sa maong opisyal nga bisan sa permiro pa lamang nga adlaw, wala na silay natala nga mga insidente.
Dugang niini nga nagtinabangay ang kurpo sa mga kapulisan alang sa proteksyon ug segurdad sa mga Very Important Persons kon VIP’s kansa mosalmot gihapon hangtud karong adlawa, diin ang uban niini, wala pay kumpermasyon kung maka tungha ba gayod o dili, arun dili usab makumpermiso ang seguridad niini.
Kahinumduman nga misalmot sa maong aktibidad ang nagkadaiyang opisyales gikan sa National ingon man sa local government sa Butuan City sa pagpanguna ni Butuan City Mayor Ronnie Vicente Lagnada ug Vice Mayor Lawrence Fortun kauban ang mga regional director aron musuporta sa maong kalihukan.
