BUTUAN CITY – Giklaro ni United Nations Secretary General Antonio Guterres nga kinahanglang paningkamutan sa tanan nga mahimo ang tanan nilang makaya aron malikayan ang paggrabe pa sa kagubot sa Middle East.
Sigon ni Guterres, ang gihimong pag-atake sa Israel ug Estados Unidos sa Iran, supak sa international law ug sa United Nations charter.
Gikondena usab niya ang pagpanimalos sa Iran kansa paglapas matud pa sa sobereniya sa mga Arab states ilabina sa Bahrain, Iraq, Kuwait, Qatar, Jordan, Kingdom of Saudi Arabia ug Israel diin anaa ang presensya sa military base sa Amerika nga maoy ilang gi-target.
Samtang gipadayag usab ni United States of America Ambassador to the United Nations Mike Waltz nga legal ang gihimong aksyon sa Amerika.
Kini ilabina nga dugay nang gi-ila sa international community ang prinsipyo nga dili kinahanglang makabaton og armas nukleyar ang Iran.
Gitumbok usab ni Waltz ang mi-aging duguong crackdown sa Iran ngadto sa mga demonstrador nga batuk sa gobyerno.
