BUTUAN CITY – Nanawagan karon ang United Nations alang sa independent international investigation kalabot sa ngilngig nga pagmomba sa al-Ahli Arab Hospital sa Gaza City human nagtinudluay ang Israeli forces ug ang militanteng grupong Hamas kung kinsa ang mihimo niini.
Ang ka-alyadong nasud sa Israel nga Estados Unidos, mibasol sa mga Palestinian fighters sa maong hitabo samtang ang mga Arabong nasud, mibasol usab sa Israel.
Sigon sa Palestinian health ministry, kapin sa 470 ka mga tawo ang patay sa maong pagbusikad samtang ang US intelligence agencies nga nag-assess sa maong hitabo, nagbutyag nga ang mga biktima, anaa sa 100 ngadto sa 300.
Nasayang pila ka adlaw adiser ang maong pagbusikad, gimanduan sa Israel ang 1.1 milyunes ka mga Palestino sa amihanang bahin sa Gaza nga muhikling na ngadto sa habagatang bahin tungod sa ilang ilusad nga ground offensive.
Sigon sa Anglican Church nga maoy nagdumala sa ospital, partikular nga nagpagawas og evacuation order ang Israel’s military ngadto sa al-Ahli Arab Hospital.
Sa pagkakaron, ang UN’s human rights office nagbutyag nga nagsugod na ang ilang mga staff pagkolekta og mga ebidensya aron masuta gayod kung asa gikan ang maong bomba.
