BUTUAN CITY – Ang pagkaon og ultra-processed foods sama sa chips, crackers, puti nga pan, pizza, hamburger, softdrinks, cereal, ug candy dali ra ug convenient apan makadaot sa panglawas.
Sa bag-ong pagtuon nga gihimo sa kapin 6,800 ka mga tigulang sa Estados Unidos nga sakop sa Multi-Ethnic Study of Atherosclerosis (MESA), gipakita nga ang kanunay nga pagkaon niini konektado gihapon sa sakit sa kasingkasing. Ang mga partisipante, nag-edad og 45 hangtud 84-anyos, wala pa’y sakit sa kasingkasing sa pagsugod sa pagtuon.
Gihatag nila ang impormasyon sa ilang pagkaon ug estilo sa kinabuhi sulod sa 12 ka tuig.
Ang resulta nagpakita nga kadtong nagkaon og mas daghan og ultra-processed foods sa pagkaon, mas taas ang risgo sa cardiovascular events.
Ang ultra-processed foods makita sa halos tanan nga aisle sa grocery kansa adunay mga additives sama sa preservatives, sweeteners, ug artificial flavors.
Mas barato ug mas dugay nga shelf life kini kumpara sa preskong pagkaon, pero makadaot sa panglawas. Ang pagkaon nga daghan og ultra-processed foods konektado sa obesity, diabetes, ug sakit sa kasingkasing. Pinaka-simple nga punto, kung mas daghan og ultra-processed foods sa imong pagkaon, mas taas ang risgo sa seryosong sakit.
