BUTUAN CITY – Naigo sa Ukraine ang weapons arsenal sa Russia pinaagi sa US-made missiles nga gitiro patabok sa utlanan sa pinaka-unang higayon.
Kini sumala sa duha ka US officials diin ang maong pag-atake nagmarka sa paglapad sa kagubot sa ika-usa ka libo ka adlaw nga goyera.
Natigayon kini duha ka adlaw lang sa dihang gitugutan sa Biden administration nga gamton sa Kyiv ang mas taas nga abtan nga armas sa amerika batuk sa mga target niini sulod sa Russia. Sigon sa Russian Defense Ministry nga gitiro sa Ukraine ang US-made missiles ngadto sa Bryansk region sa Russia.
Gipakita sa Kyiv nga wala na sila nagsayang og oras sa pag-gamit sa gihatag nga bag-ong armas sa US. Nagdumili pa si Ukrainian President Volodymyr Zelensky sa pagkumpirma o kaha pagnegar sa maong pag-atake apan sa news conference giklaro niini nga ang “Ukraine dunay long-range capabilities diin duna kini kaugalingon production sa long-range drones gawa pa sa long ‘Neptune’ o Ukrainian cruise missiles og ang missiles gikan sa US nga gibarugan ni Zelensky nga ilang gamiton.
Gitiro sa Ukraine ang 6 ka ballistic missiles sa pasilidad sa Bryansk alas 3:25 sa buntag oras sa maong nasud.
Na-shot down sa Russian air defenses ang lima niini samtang ang usa nadamyos og nahagsa sa teritoryo sa military facility nga nakamugna og dakong kalayu. Hinoon walay casualties o nadamyos sa maong pag-atake.
