BUTUAN CITY – Ubay-ubay na nga mga pasahero sa dakbayan sa Surigao ang na-stranded hangtud karong mga taknaa, kansa gustong manabog gikan sa Surigao padulong sa mga nagkalain-laing dapit sama sa Dinagat Islands, Leyte, ingon man sa Cebu.
Sumala ni Elvin Dionaldo, tipulante sa lantsa, nga alas 11 sa buntag pa lamang sa buntag karong adlawa, gipagawas na sa Coast Guard Surigao del Norte ang advisory mahitungod sa tropical depression nga Kristine, diin lakip sa mga anaa ilalum sa signal number 1 ang Dinagat Islands and Surigao del Norte, ingon man ang Siargao – Bucas Grande Group.
Sigon ni Elvin nga bisan kon dili pa kaayo kusog ang hangin ingon man taas ang balod, wala pa gihapoy clearance ang mga sakyanang pandagat.
Sa kasamtangan, mo diskarte na lamang matud pa ang mga na stranded nga mga pasahero, diin ang uban kanila mamahimong makitulog nalang sa ilang mga parente, ang uban sa hotel nalang usab mag stay.
