(photo credit: JG Anonar Visagar)
BUTUAN CITY – Padayon pa ang pagpalawom sa imbestigasyon nga gihimo sa mga sakop sa Bureau of Fire Protection kon BFP – Butuan subay sa nahitabong sunog sa may Purok 6A Brgy. Mahogany ning syudad sa Butuan kagahapong adlawa.
Base sa inisyal nga pagpanubay ni SFO1 Ted Galapin – imbestigador sa maong sunog, nagsumikad ang sunog sa panimalay ni Lorna Marapo kungdiin naggikan sa lawak ni Roque Cristopher Alingasa ang kalayo hinungdan nga totally burned ang iyang 2-andanas nga panimalay .
Nadamay usab sa nasangpit nga sunog ang panimalay nila Eufemio Alingasa ug Eddie Lawango kungdiin nahimong partially burned ang mga niini.
Miabot sa 1st alarm ang sunog kungdiin 2 ka firetrucks gikan sa Butuan City Central Fire Station, 1 ka firetruck sa Filipino-Chinese Volunteer Fire Brigade ug 1 ka firetruck gikan sa Richmond Plywood Company ang nakaresponde.
Subay niini, gibana-banang muabot sa 500-mil pesos ang damyos sa maong sunog. Sa karon, padayon pa ang pagpalawom sa imbestigasyon sa maong insidente aron masayran kung unsa gyud ang hinungdan sa maong sunog. (Rolan Janea)
