BUTUAN CITY – Anaa na sa ‘mas ubos pa’ sa Critical Level ang supply sa tubig sa suba sa Taguibo, ang nag unang kuhaanan og supply sa tubig sa dakbayan sa Butuan, tungod sa nasinatiang nagtunhay nga El Niño.
Kahibaloang as of karong adlawa, Abril 20, anaa nalang nalang sa 3.2 meters ang operating level sa Dam Intake water level indicator sa nahisgutang water supplier, diin ang normal operating level ug critical levelniini kay 4 metros. Dugang pa, 49.64 million liters per day (mld) nalang ang kasamtangan nga bulk water supply niini, asa anaa sa 56.5 mld ang normal operating level ingon man critical level niini.
Sumala ni Mr. Ramil Barquin, nagpakunhod na og supply sa tubig ang bulk water supplier sa Butuan City Water District nga TASC, ug lauman matud pa nga mamahimong mas mo samot pa kini og kunhod sa mga mosunod gna adlaw tungod sa kainit nga nasinatian.
Dugang sa maong opisyal nga kung kahinumduman, nadamyos matud pa ang dam sa maong suplier niadtung bagyong Odette, rason nga dili full capacity sa dam ang ilahang gigamit sa pagka-karon. Dugangan pa kini sa grabe nga kainit, kansa nagpasabot nga gamay lamang nga supply sa tubig ang maka sulod sa ilahang processing plant.
Gikabutyag sa maong opisyal nga nagrequest na sila og mga water tankers nga mohatod og tubig ngadto sa mga lugar nga hinay maabot sa tubig.
Sa kasamtangan, plano sa mga opisyal sa Butuan City Water District level nga bahinon ang pagpaagas og tubig sa dakbayan sa Butuan, diin ang mamahimong sistima mao nga kung sa gabie, siento porsyento ang agas sa tubig sa sidlakang bahin sa syudad, hinay usab ang awas niini sa adlawan. Bali ra niini ang kahimtang sa sagpanang bahin, nga kung siento prosyento ang awas sa adlawan, hinay usab ang awas niini sa gabie.
