BUTUAN CITY-Gipanghimakak sa pipila ka magbabalaod sa Kamara nga usa ka pormal nga tubag ang gisumiteng tubag ni Vice President Sara Duterte sa gi-atubang niini nga mga impeachment complaints, samtang gi-insistar usab sa kampo sa Bise Presidente nga dili pareho ang pagtratar sa kaso niini.
Sumala ni Batangas Rep. Gerville Luistro, chairperson sa House Committee on Justice, ang gisumiteng consolidated verified answer ni Duterte wala ming tubag sa mga alegasyon kundi usa ka lakang nga mabasura ang mga reklamo.
Pagklaro sa magbabalaod, nga wala niini direktang gitubag ang mga isyu, ug gi-ila kini isip usa ka general denial ug nagpabiling nakabarog ang mga alegasyon batok niini.
Gisuportahan kini nila La Union Rep. Paolo Ortega V ug Manila Rep. Joel Chua, kansa mingtubyag nga mingtago lang ang Bise Presidente sa mga teknikalidad imbis nga atubangon ang mga ebidensya. Sa pikas bahin, gidepnsahan sa kampo ni Duterte ang ilang gisumiteng tubag.
Ilang gipasi-ugda nga adunay double standard sa proseso kung itandi sa mga gipasaka usab nga impeachment complaints batok kang President Ferdinand Marcos Jr.
Gikwestyn usab sa defense team sa BIse Presidente ang kredibilidad sa testigong si Ramil Madriaga, ang gi-ingong aide kinsa ming-angkong gisugo nga magbalhin og dagko nga kantidad sa kwarta sa bise presidente.
