BUTUAN CITY – Nagkapupos na ang tsansang maluwas pa ang unom ka mga minerong natabunang buhi sa mudslide gikan sa gikabot nilang tunnel niadtong Lunes sa alas-dos sa hapon sa Purok Casting, Brgy. Bayan, lungsod sa Marihatag, Surigao del Sur.
Aron mas mapaspasan pa ang ang search and rescue operations, nagpadala na og pwersa sa mga bombero ang kasikbit nga mga municipal fire stations sa maong lungsod ingon man mga backhoe ang kasikbit nga mga local government units.
Sigon ni kanhi Marihatag information officer igon man kanhi minerong si Gerry Campos s eksklusibong pakighinabi sa Bombo Radyo Butuan, dili mga treasure hunters ang unom ka mga minero kondili mga illegal miners ug wala kaayo’y saktong background sa luwas nga pagmina.
Gani ang usa sa mga wala pa marekober nga si Menard de Jesus, musakayay na unta og barko human migradwar sa kursong Marine Technology aan natanggong tungod sa COVID-19 hinungdan nga napugos pag-apil sa mina-mina.
Ka-ila usab niya ang uban pang mga biktima kinsa napugos gihapon pagsulod sa delikadong panginabuhian tungod sa kanihit sa trabaho ning panahon sa pandemya.
Gihulagway usab ni Campos, ang ilang lungsod sa Marihatag nga usa ka coastal municipality apan duol sa mga bukid ug dunggu-anan kaniadto sa mangabot nga mga Hapon rason nga daghan ang mga treasure hunters nga interesado sa maong lugar ilabina nga makita sa mga dagkong bato sa bukirang bahin ang mga simbolo nga ang mga treasure hunters lang ang makasabot kondiin gitu-uhang dinhi gipangtaguang mga gold bars ug mga karaang butang sa mga Hapon.
Ang problema sa gihimong tunnel sa mga biktima ang kawala’y tender na niini gawas nga anaa pa kini sa ubos nga bahin sa bukid ug basakan pa ang palibot rason nga bisan unson, dili kini mahubsan og tubig, ilabina nga padayon ang pag-ulan samutan pa kay sa unahan nga bahin anaa ang usa ka suba kansang tuburan naggikan sa bukid sa Andap Valley.
