BUTUAN CITY – Neck-to-neck ang suporta ug mga botong nakuha nila United States presidential candidates Kamala Harris ug Donald Trump pila ka adlaw na lang adiser ang eleksyon sa Nobyembre 5 kansa Nobyembre 6 – oras sa Pilipinas.
Sa eksklusibong pakighinabi sa Bombo Radyo Butuan, gibutyag ni Bombo international correspondent Eric delos Angeles Eclavea nga daghan pa gihapon ang undecided kung kinsa ang ilang botaran rason nga diha na gayod matud pa masayran human sa hagpatay sa mga balota kung kinsa ang mudaog kanila.
Niadtong si Biden pa ang pambato sa Democrats, labaw matud pa sa election polls si Trump pinaagi sa 49-porsientong rating nga iyang nakuha samtang 47-porsiento lang kang Biden, sukwahi karon nga parehong duna’y tag-49 porsiento sila Trump ug Harris. Posible matud pang sa Huwebes o kaha Biernes na masayran ang mudaog sa eleksyon.
Bisan matud pa nga usa siya ka supporter ni Kamala Harris apan iyang na-obserbahan nga batasan na ni Trump ang magpasumangil sa mga tawo kansa nahimo na matud pa niini sa mga nakalabay’ng eleksyon. Ang maong taras matud pa gi-ubanan ni Trump og riot sa Capitol niadtong Enero 6, 2020 aron ipamatuod kunuhay sa katawhan nga gilimbungan siya.
