-- ADVERTISEMENT --
BUTUAN CITY – Gikondena sa kapulisan sa Jabonga, Agusan del Norte ang pagdagit-patay matud pa sa mga rebeldeng New People’s Army kon NPA sa usa ka tribal chieftain ning mi-aging alas-12 sa tungang gabii.
Base sa imbestigasyon sa kapulisan, anaa sa umahan si Rodito Lapugan Buklas kauban ang iyang asawang si Nenit dihang nangabot ang lima ka kalalakin-ang armado sa tag-as nga kalibre sa armas og nagpa-ilang myembro sa rebeldeng NPA dayong dala niini sa wala matinong direksyon.
Kagahapon napalgan na lang ang patay’ng lawas sa biktima nga puno sa dinunggaban sa bukirang bahin sa Amontay, Sitio Tagbuaya, Brgy. Bangonay, lungsod sa Jabonga, Agusan Del Norte.
Padayon pang gisuta sa kapulisan ang motibo sa maong hitabo.
