BUTUAN CITY – Wala musalmot sa duha ka adlaw nga transport strike sa mga grupong Pagkakaisa ng mga Samahan ng Tsuper at Operaytor Nationwide kon PISTON ug Samahang Manibela Mananakay ug Nagkaisang ng Terminal ng Transportasyon kon MANIBELA ang mga transport groups ning rehiyon sa Caraga ilabina ning siyudad sa Butuan.
Sigon ni Anthony Antigulas, chairman sa BUMOTSCO kon Butuan Multicab Operators Transport Cooperative, kini tungod kay dili man sila membro sa maong mga transport groups kansa nagrali karon sa kauluhang Manila.
Kini gawas pa sa kamatu-uran nga lahi sila og baruganan tungod kay ang ilang grupo, pabor man sa Public Utility Vehicle kon PUV Modernization Program nga nag-require sa mga drivers ug operators alang sa pag–cosolidate sa ilang mga prangkisa.
Sa pakighinabi ning sibyahan, gibtuyag ni Antigulas nga nalipay sila nga mibarog na si Pangulong Ferdinand ‘Bongbong’ Marcos Jr., nga dili na i-extend pa ang extended na daang deadline sa franchise consolidation karong Abril 30.
Dinhi sa Caraga Region, niadto pa lang tuig 2020, 99-porsiento na matud pa sa mga drivers ug operators ang naka-consolidate sa ilang prangkisa. (reports from Bombo Lilibeth Ruiz)
