BUTUAN CITY – Mikunhod og 47-porsiento ang tourist arrival sa Caraga Region ning panahon sa COVID-19 pandemic tungod sa pagpasira sa operasyon sa tourism industry ning nakalabay nga mga buwan.
Sigon ni DOT-Caraga OIC regional director Mary Jean Camarin, inanay nang mibangon ang maong industriya ilabina nga dili kini diha-diha dayon makabawi rason nga nalipay siyang duna na’y pipila ka mga tourism destinations ning rehiyon ang subli nang nagbukas sa ilang operasyon.
Sa eksklusibong pakighinabi sa Bombo Radyo Butuan, gipadayag sa opisyal nga kinahanglang inanay apan sigurado ang pagbalik sa operasyon sa mga anaa sa tourism industry aron masigurong luwas ang tanang anaa sa maong industriya illabina nga kinahanglang magsunod gihapon sa mga health protocols aron makalikay sa nagtunhay pang pandemya.
