BUTUAN CITY – Naghatag og kabalaka ngadto sa mga residente ang pagkasangad sa MT 168 tanker sa may Poblacion 1, Burgos, Surigao del Norte.
Sumala ni Lourdefee Malinao Dumanjog, residente sa maong Probinsya, ang unang namatikdan niini ang baho sa gas, hinungdan nga dali kining mg-adto sa may seawall kauban sa iyang anak, aron kompirmahon kung unsay nahitabo sa kadagatan.
Didto na nila nasuta ang usa ka tanker ang nasangad ug ang baho sa gas nga nakahatag og kabalaka sa mga residente nga nakumpirmang gikan sa singaw sa tanker, apan wala magdugay nawala ra usab ang maong baho.
Sigon pa niini, dali nga gi-responde sa Municipal Disaster Risk Reduction and Management Office kon MDRRMO ug Philippine Coast Guard ang 9 ka Pilipinong tripulante nga lulan sa maong Tanker.
Gibutyag usab niini, nga hangtud karun ang maong tanker wala pa nakuna gikan sa nahimutangan niini.
