BUTUAN CITY – Gitumbok sa Bangko Sentral ng Pilipinas kon BSP ang mahinungdanong papel sa mga thrift banks sa pag-aghat sa gagmay nga negosyante nga migamit og electronic payments aron mas mapahimuslan ang digital banking.
Sa General Membership Meeting sa Chamber of Thrift Banks (CTB), gibutyag ni BSP Deputy Governor Mamerto Tangonan nga dako ang natampo sa thrift banks sa digital payment ecosystem.
Gikas sa kapin 10 milyones nga InstaPay transactions niadtong Enero 2025, miabot kini sa halos 70 milyones pag-abot sa Disyembre, bugti sa pito ka higayon nga pagtaas sulod lang sa usa ka tuig.
Bisan paman niini, aminado si Tangonan nga dili pa patas ang partisipasyon sa thrift banks sa katibuk-ang sistema.
Sa hisgutanan usab sa QRPH merchant payments nga importante para sa micro, small, and medium enterprises (MSMEs), 13% lang sa system participants ang gikan sa thrift banks.
Tungod niini, mas gihagit pa niya ang mga thrift bank nga aghaton ang mas daghan pang MSME clients nga migamit sa digital payments ilabina isip mga modawat og bayad o merchants.
Samtang gitaho usab ni CTB President Jaime Valentin Araneta nga miabot sa 1.38 trilyones pesos ang katibuk-ang assets sa thrift banking industry hangtud sa Disyembre 31, 2025, mas taas og 25% kumpara niadtong nakalabay nga tuig.
Gilangkuban ang Chamber of Thrift Banks sa 36 thrift banks ug kapin 3-mil nga branches sa tibook nasud.
Usa ang Queen City Development Bank nga parte sa Florete Group of Companies, nga proud founding member sa Chamber of Thrift Banks.
