BUTUAN CITY- Gisaway sa Iran’s Islamic Revolutionary Guard Corps ang pamahayag sa United States nga naguba na ang ilang missile programme, ug gipadayag nga mas daghan matud pa karon ang ilang gipangdeploy nga mga projectiles nga adunay warheads nga molabaw sa usa ka tonelada.
Sigon ni US Defence Secretary Pete Hegseth nga ang Martes mao ang labing grabe nga adlaw sa mga pag-atake batok sa Iran sukad nagsugod ang giyera.
Samtang padayon usab ang counterattacks sa Iran batok sa Israel ug mga asset sa US sa Middle East, lakip na ang Bahrain, Kuwait, United Arab Emirates ug Saudi Arabia, diin usa ang namatay sa Manama ug duha sa sentral nga Israel.
Sumala pa, nga ang Tehran nakasinati sa “pinakagrabe nga bombardment” sa giyera kagahapon sa gabii, diin mitugot sa pagkamatay sa labing menos 40 ka tawo duol sa Risalat Square.
Gani nagpadayon usab ang Fire Trade sa Israel ug Hezbollah samtang ang ihap sa mga namatay tungod sa Israeli attacks sa Lebanon hapit na mosangko sa 500.
