BUTUAN CITY – Magpakita’g gilas pa ang Team USA sa ilang ikaduhang exhibition games human gipildi ang Team Australia, 98 – 92 nga gipahigayon sa Abu Dhabi, United Arab Emirates.
Unang gipildi sa Team USA ang Team Canada sa unang exhibition games ning mi-aging semana, usa ka adlaw human ang ilang training camp.
Naglisod ang Team USA pagpatumba sa Boomers tungod sa ilang maayong depensa sa pagpanguna ni NBA Player Josh Giddey nga mikamada og 17 points, 8 rebounds, ug pito ka assists, samtang si Bigman Jock Landale, mikamada usab og 20 points, 7 rebounds, ug 6 ka assists.
Bisan pa man, gipahimuslan sa US ang kahinay sa Boomers sa 3-point line kondiin mi-abot lang sa 22.2% ang ilang natala sa 4-for-18.
Nanguna sa kada-ugan sa Team USA si Lakers Bigman Anthony Davis nga mikamada og 17 points ug 14 rebounds, apil na ang duha ka block ug usa ka steal.
