BUTUAN CITY – Giklaro sa Bureau of Fisheries and Aquatic Resources kon BFAR nga luwas kunsumuhon sa mga tawo ang isdang tawilis nga makita sa Taal Lake, human ang expose ni alyas ‘Totoy’ nga gilubong matud pa dinhi ang 34 ka mga na-missing nga sabungero.
Nasayrang ang maong lawa, abunda sa maong isda, usa ka klase sa tamban nga mabuhi lang sa tab-ang nga tubig ug dinhi lang kini sa Pilipinas, mapalgan.
Sigon ni BFAR information officer Nasser Belgira, wala’y angayang kabalak-an ang publiko tungod kay ang maong mga isda, dili mukaon og bisan unsa mang karne, ma-hayop man o tawo.
Ang ila lang kan-on mao ang usa ka klase sa organismo nga madala lang sa anod sa tubig . Una nang gireklamo sa mga mananagat sa maong lawa ang pagminos sa ilang kita human ang expose ni alyas Totoy.
