Ipadayon karong adlawa dinhi sa dakbayan sa Butuan, gikan sa alas-nueve sa buntag hangtud na sa alas-singko unyang hapon ang ‘Tay Kami Naman signature campaign’, kansa nanawagan sa gobyerno nga papa-ulion na sa nasud si kanhi President Rodrigo Roa Duterte gikan sa iyang pagkadetine sa International Criminal Court kon ICC sa The Hague, Netherlands.
Sigon sa local organizer sa maong kalihukan, gisugdan kini niadto pang adlaw nga Lunes Enero 12 gikan sa alas-nueve sa buntag ngadto na sa alas-kwatro sa hapon sa may Montilla Boulevard uban sa temang ‘Isang Pirma, Isang Tinig Para sa Katarungan.’
Giklaro sa mga organizers nga boluntaryo lamang kini, libre ug nakapukos sa pagtigom og mga pirma diin maoy isubmite ngadto sa Korte Suprema.
Ang mga organizers niini mao ang mga Duterte supporters, lakip na ang mga civic volunteers ug mga ka-alyado sa pulitika.
Gani, iprinta matud pa sa mga volunteers ang ma-download nga mga signature sheets kansa maoy pirmahan sa mga supporters, ug kolektahon aron isubmite ngadto sa Korte Suprema.
