BUTUAN CITY- Ning ani og batikos gikan sa mga netizens ang tag-iya sa usa ka takoyaki brand human niini giangkon kagahapong adlawa, Abril 7, nga ‘marketing’ stunt lang ang gihimo nilang April Fool’s prank.
Kahinumduman nga gidayeg ang maong indibidwal human nga gihatagan niini og 100-mil ang matud pa, nabiktima sa April Fool’s prank sa Facebook page sa ilahang tindahan, kansa nagkanayon nga hatagan niini sa maong kantidad ang si kinsa man ang maka una og send kanila’g litrato nga gipatatoo sa agtang ang logo sa ilahang takoyaki brand.
Sa gipagawas nga video sa Taragis Facebook page kagahapong adlawa nga giulohang “Taragis the Revelation”, giangkon sa tag-iya niini nga si Carl Quion nga dugay na nilang giplano ang nasangpit nga “marketing stunt”.
Alayon niini, daling gibara sa mga netizens si Carl ignon man ang brand niini tungod kay gigamit matud pa nila ang emosyon sa mga mga tawo alang sa clout. Sumala sa mga netizens nga kinahanglang ma penalize ang nasangpit nga indibidwal tungod sa gihimo niining ” mental gymnastics” alang lang sa ilahang takoyaki brand. Sigon usab sa uban nga dili lang marketing strategy ang nahitabo kundili “downright panloloko” na sa mga tawo.
