BUTUAN CITY – Depende na matud pa sa mga school heads ning siyudad ilabina sa mga lugar nga prone sa pagbaha og pagdahili sa yuta ang pagdeklara og suspensyon sa klase tungod sa padayong pag-ulan nga nagsugod kagahapon.
Kini ang gibutyag ni Dr. Arsenio Cornites – schools division superintendent sa DepEd-Butuan City Division, human nga wala’y nadawat nga advisory gikan sa Butuan City government og sa City Disaster Risk Reduction and Management Office alang sa class suspension.
Ang pagsuspende sa klase kinahanglang uban sa pakig-alayon sa mga barangay officials og kinahanglang ipahibalo usab ngadto sa ilang buhatan.
Gidugang sa opisyal nga sa ingon niini nga sitwasyon, activated gilayon ang ilang mga School Disaster Risk Reduction and Management coordinators.
Kini masusi gilayon ang sitwasyon sa matag-tunghaan og daling ma-report ngadto sa ilang buhatan. (Beth Ruiz)
