BUTUAN CITY – Nadakpan na sa hini-usang pwersa sa kapulisan og kasundaluhan ang suspek sa pagpatay sa tribal leader nga si Datu Rodito Boklas niadtong Mayo 20, didto sa Sitio Amontay, Barangay Bangonay, lungsod sa Jabonga, lalawigan sa Agusan del Norte.
Naila ang nadakpang si Junie Bitoon Pinao alyas Dodong og Jomar base na sa warrant of arrest sa kasong attempted murder nga gi-isyu sa 10th Judicial Region Branch 34 nga nakabase sa Cabadbaran City, kansa duna’y pyansa nga 120-mil pesos.
Sigion ni 1Lt. Nonette Banggad, tigpamaba sa 29th Infantry Battalion, Philippine Army, si Dodong nailang usa ka notorious member sa Milisya ng Bayan og nadakpan sa hini-usang pwersa sa Law Enforcement and Security Operations kon LESO sa 29th Infantry Battalion og sa Jabonga Municipal Police Station didto sa Sitio Madbad, Purok 9, Brgy Bangonay, lungsod sa Jabonga.
Siya usab ang gidudahang mipatay kang Romie Dejolde Jr sa Sitio Dakulang, Purok 9, sa susamang barangay ning mi-aging tuig.
