Gibuhi-an sa San Pablo Police ang gi-ilang suspek sa brutal nga pagpatay sa usa ka 8-anyos nga bata sa San Pablo City, Laguna, human masuta sa City Prosecutor’s Office nga kuwang ang ebidensya batok niini.
Sumala sa imbestigasyon, ang suspek kabanay sa amahan sa bata ug silingan ra usab nila.
Nawala ang maong bata niadtong Biyernes samtang padulong matud pa kini sa tunghaan ug nakit-an nalang nga wala nay kinabuhi, puno og dinunggaban sa usa ka kasagbutan duol sa langob.
Duha ka saksi ang mingtudlo sa 59-anyos nga lalaki isip suspek, apan wala pa narekober ang gigamit nga kutsilyo ug mga sanina nga adunay dugo.
Sumala sa pulisya, ang panagbangi sa bata ug ang apo sa suspek maoy nahimong sinogdanan sa krimen.
Gilimud usab sa suspek ang maong akusasyon, samtang nagtuo ang amhan sa biktima nga responsable ang ig-agaw niini sa pagkamatay sa iyang anak.
