BUTUAN CITY- Adunay nakita nga mga suspected blood stain ang mga otoridad sulod sa panimalay sa 2-anyos nga si Ian Meñoza atol sa crime scene reconstruction nga gihimo niadtong Sabado.
Sumala ni PMAJ Aian Gilbert Lodonia, OIC sa Butuan City Police Station, nga ang maong mga mantsa nakita sa sala-sala ug bongbong sa balay ug gipadala na sa Scene of the Crime Operations (SOCO) alang sa laboratory examination aron matino kung dugo ba kini sa tawo o mananap.
Sigon pa niini, nga nagpabiling consistent ang mga pamahayag sa mga ginikanan sa biktima, samtang moagi usab ang mga niini og polygraph examination sa Cagayan de Oro karong Agosto 14 aron masuta ang ilang mga tubag ug deklarasyon.
Padayon usab ang imbestigasyon sa kapulisan, lakip ang pagsusi sa posibleng pag-apil sa third-party ug pagpangita sa mga tawo nga posibleng nakaagi o adunay impormasyon bahin sa lugar.
Dugang pa ni Lodonia, ming-akon ang amahan sa biktima nga aduna kini nakabangi sa miaging mga bulan, kansa usa sa ilang gisusi isip posibleng lead, samtang gipanghimutang sa mga investigator ang ilang trabaho ngadto sa lain-laing anggulo aron masulbad sa sayong panahon ang maong kaso.
Kahinumduman nakit-an ang patay’ng lawas sa 2-anyos nga biktima sa may kasagingang bahin sa Camayahan, Butuan City pila ka adlaw ang minglabay sukad kini gitahong missining.
