BUTUAN CITY – Gipamugos ni Surigao del Sur 1st District Representative og deputy house speaker Prospero Pichay Jr. sa Sandiganbayan nga angayang ikonsidera una ang gipahamtang kaniyang 90-ka adlaw nga preventive suspension.
Kini kalabot na sa kasong graft nga gipasaka batuk kaniya subay na sa matud pa anumalusong banking deal niini niadtong 2009 dihang konektado pa siya sa Local Water Utilities Administration kon LWUA.
Mahinumdumang sa gipagawas nga resolusyon sa Sandiganbayan nga gipirmahan ni Associate Justice Reynaldo Cruz, gimando sa Fourth Division ang ‘cease and desist’ kang Pichay gikan sa iyang katungdanan isip representante sa unang distrito sa Surigao del Sur kondiin sa maong mga adlaw, wala siya’y madawat nga sweldo og mga benepisyo.
Tumong sa Sandiganbayan nga mapugngan si Pichay sa pagkuha og mga dokumento og testigo apan gipamugos niininga dapat i-reconsider sa Sandiganbayan ang suspensiyon tungod kay wala na matud pa siya’y koneksyon sa LWUA rason nga dili mahitabo ang ilang gikabalak-an.
Dugang pa ni Pichay nga ang tanang gikinahanglang dokumento sa maong kaso iya nang nasubmite sa Office of the Ombudsman. (Rolan Janea)
